La den rette komme inn av John Ajvide Lindqvist

Av og til les ein eg bøker som eg ser er veldig gode, utan at eg klarar å bli glad i dei. Ei slik bok er La den rette komme inn av John Ajvide Lindqvist.

I 1981 bur 12 år gamle Oskar i forstaden Blackberg. Oskar er eit ensomt mobbeoffer som drøymer om hevn. Så møter han mystiske Eli i nabolaget, jenta som luktar litt vondt og som berre er ute om kvelden. Ho bur i lag med Håkan. Håkan er på eit oppdrag, eit oppdrag der han må drepe. Etterkvart er det fleire som døyr og Oskar byrjar seriøst å lure på kven Eli eigentleg er.

Oskar er hovudpersonen i boka, men i tillegg til han møter vi eit stort persongalleri. Viktige rollar har også ein nabogut og Blackberg si samling av halvgamle, småslitne alkoholikarar.

Dei mange personane og stemmene gjer det av og til litt vanskeleg å halde oversikta, men fleire av dei gjer og historien rikare. Alle stemmene har til felles at dei er blant dei som på ein eller annan måte ikkje passar inn i storsamfunnet.

Som sagt så klarar eg ikkje heilt å bli glad i La den rette komme inn. Det er forskjellige grunnar til det: Eg kunne godt klart meg utan ei eller to av dei mange forteljarstemmene, det blir rett og slett litt mange å forholde seg til og gjer at boka blir litt lang for meg. Eg er også ganske pysete. Med boka si plassering i ein vanleg svensk drabantby der både vampyrar og andre skikkelsar er personar ein «kjenner igjen» frå sitt eige nabolag, så blir dette berre litt for nifst for meg. Eli blir dessutan ekstra farleg sidan grensa mellom den uskuldige barnedelen av henne og den blodtørstige vampyrdelen er ganske uklar. Eg er som sagt litt pysete.

Det blir derfor ein 4’ar – dei som er mindre pysete enn meg kan god runde karakteren opp til 4,5.

Intervju med forfattaren i Aftenposten.

Dette syns andre om boka:

Boka er filmatisert og ASVbib har også filmen.  I tillegg har vi også bøkene Menneskehavn og Håndtering av udøde av John Ajvide Lindqvist. Dei skal også vere ganske skumle.

Vel, kanskje eg tør sjå filmen no som eg har lest boka. Kanskje…

Advertisements

3 responses to “La den rette komme inn av John Ajvide Lindqvist

  1. Gøy å lese hvor ulikt man oppfatter bøker, men skjønner greia med å føle seg pysete. Jeg falt jo veldig for boka, men har jo også sansen for slike skumle greier. Til tider var det jo uutholdelig spennende – de verste scenene var heldigvis ikke tatt med i filmen (som jeg også likte, men foretrekker boka).

  2. Tilbakeping: Bokoppsummering, igjen… « Tanz

  3. Godt at folk er ulike, elles kunne det blitt eit ganske smalt utval 🙂

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut / Endre )

Twitter-bilde

Du kommenterer no med Twitter-kontoen din. Logg ut / Endre )

Facebook-foto

Du kommenterer no med Facebook-kontoen din. Logg ut / Endre )

Google+ photo

Du kommenterer no med Google+-kontoen din. Logg ut / Endre )

Koplar til %s